ياپون پەرزەنت تەربىيەسى: نېمىشقىدۇر بالىغا ئاسانلا ئاچچىقلىنىپ قالغاندا

1,928 قېتىم ئوقۇلدى

بالىنى ماختاش ھەم تەنقىدلەش ئۇسۇلى توغۇرلۇق يازغانلارنى ئوقۇغان ھەم بىلىپ تۇرساممۇ نېمىشقىدۇر بالام ئالدىمغا كەلسىلا، ماختاش دىگەنلەرنى ئۇنتۇپلا قالىمەن، يوقىلاڭ ئىشلار ئۈچۈنمۇ ئاسانلا چېچىلىپ، بىلىپ – بىلمەي سىلكىشلەپ قالىمەن، – دە ئارقىدىن ئۆزۈمنىڭ بۇ خاتالىقلىرىم ئۈچۈن روھىم چۈشۈپ كېتىدۇ. قانداق قىلسام بولار؟ دەپ سورايدىغان ئاتا – ئانىلارنى كۆپ ئۇچرىتىپ قالىمەن، مانا مۇشۇنداق ئاتا – ئانىلارغا تۆۋەندىكىنى يەتكۈزمەكچىمەن، – دەيدۇ ئاكې خاشى ئەپەندى.

 

Richard Clayderman – Hungarian sonata

 

«سىلكىشلەپ قېلىش – دەل بالا بىلەن يىقىنلىقنىڭ بەلگىسى»، بالىسى بىلەن كارى يوق ئەھۋالدا بۇ خىل «سىلكىشلەپ تاشلاشلار» بولمايدۇ.

ئاپلا… نېمە گەپ بوپكەتتى ئەمدى؟! بالىنى سىلكىشلىگەنلىك ياخشى دەمدۇ بۇ ئەپەندى؟! قېنى داۋامىنى ئوقۇپ باقايلى.

يەنى، ھەر كۈنى بالىغا پۈتۈن ۋۇجۇدى بىلەن كۆڭۈل بۆلىۋاتقان بىر ئاتا-ئانا «بالام ئۈچۈن ئاۋۇنى قىلىشم كېرەك، ماۋۇ ئىشنى قىلىشىم كېرەك» دەپ ئويلايدۇ، – دە، ئىشلار ئويلىغاندەك بولماي قالغاندا ئاسانلا تېرىكىپ قالىدۇ، – دە ئاچچىقلىنىپ قالىدۇ.

مانا مۇشۇ مەنىدىن ئېيقاندا، بۇ خىل ئاچچىقلىنىشلارغا ئوكېي دەپ تۇرساقمۇ بولىدۇ، ( بۇ يەردىكى توغرا چۈشىنىشكە بولىدىغان ئاچچىقلىنىش – پەقەت ئاتا -ئانا پۈتۈن ۋۇجۇدى بىلەن تىرىشىۋاتقان، بىلىپ -بىلمەي ئاچچىقلنىپ قىلىشنى كۆرسىتىدۇ، ھەرگىز يوقىلاڭ ئىشلار ئۈچۈن بالىلارغا  قاتتىق ئازار بىرىشلەر ئەمەس).

بالىنىڭ تەرىپىدىن ئويلىغاندىمۇ، مانا مۇشۇ خىل ئەھۋال ئىچىدە بالىمۇ چىدامچانلىقنى، خاراكتىردىكى ئىلاستىكىلىق ئىقتىدارىنى يېتىلدۈرىدۇ،

يەنى، ياخشى تەرەپتىن قارىغاندا، بالا كىچىككىنە قاتتىق مۇئامىلە ئۈچۈن ئاسماندىن چۈشۈپ كەتكەندەك تۈگشىپ كېتىدىغان زىيادە نازۇك خاراكتىر بولۇپ قىلىشتىن ساقىلىنىدۇ، قەلبىنىڭ ئىمۇنىتىت كۈچى ئاشىدۇ.

ئۇنىڭدىن باشقا، دەماللىققا بالىنى سىلكىشلەپ قالساقمۇ، ئازراق ۋاقىتتىن كىيىن بالىغا «مۇنۇ… سەۋەپتىن ئاچچىقلاپ قالدىم، بىراق، مەنمۇ بەكرەك ئاشۇرىۋىتىپ قالدىم، خاپا بولمىغىن» دىگەندەك ئاچچىغىمىز كېلىشىنىڭ سەۋەبىنى ھەم ئۆزىمىزنىڭ ئاشۇرىۋىتىپ خاتا كەتكۈزگەن يەرلىرىمىزنى بالىغا چۈشەندۈرسەك ئاتا – ئانا بىلەن بالا ئوتتۇرىسىدىكى ئارلىقنى تېخىمۇ يېقىنلاشتۇرغىلى بولىدۇ.

تۆۋەندىكى بالىغا ئاسانلا ئاچچىقلىنىپ قالغان ئانىنىڭ ھىسياتىنى ئوقۇپ باقايلى.

 

بالىغا تىزلا ئاچچىقلىنىپ قالغىنىمىزدا، سەل ئۆزىمىزنى بېسىۋالغاندىن كىيىن كۆڭلىمىزنى چۈشەندۈرەيلى

بالىنىڭ مەلۇم خاتالىقى ئۈچۈن تىزلا ئاچچىقلىنىپ قالغان ئانا بالىنىڭ دىلى سۇنغان ھالىنى كۆرۈپ ئۆزىنى ئەيىپلەشكە باشلىدى… «بالامنى يەنە سىلكىشلەپ قالدىم.» دەپ كۆڭلى شۇنداق يېرىم بولدى.

كەچتە ئانا – بالا بىللە ۋاننىغا چۈشكەن پەيتتىن پايدىلىنىپ (بىر مەزمۇندا ئازراق قىستۇرۇپ قويغانىدىم، ئانا – بالىنىڭ بىللە ۋاننىغا چۈشۈشى ياپونلارنىڭ مەدەنيىتى، ئۇلاربۇ ئادىتىنى « ئائىلە ئەزالىرىنىڭ مۇھەببىتىنى كۈچەيتىدۇ» دەپ قارايدۇ.) بالىغا : «بۈگۈن بەك ئاشۇرىۋىتىپ قالدىم بالام، ئۇنچىۋالا خاپا بولۇپ كەتمىسەممۇ بولاتتى ئەسلى… خاپا بولمىغىن، سېنى سۆيىمەن يۈرەك پارەم !» دىگىنىچە باغرىغا باسىتى.

ئانا – بالىنىڭ مۇھەببەت بىلەن سېھىرلەنگەن بۇ مىنۇتلىرى بەكلا تاتلىق شۇنداقمۇ؟!

 

كىچىككىنە قىستۇرما :

ئەمەلىيەتتە، پەرزەنت تەربىيلەش جەريانىدا ئاتا – ئانىمۇ مانا مۇشۇنداق خاتالىشىشتىن خالى بولالمايدۇ. بۇ ۋاقىتتا، ئاتا – ئانىمۇ سەمىمىيلىك بىلەن بالىنىڭ ئالدىدا خاتالىقىنى ئىتىراپ قىلىشى، كەچۈرۈم سورىشى ئەقەلىلىي بىر ئىش، ئەلۋەتتە.

خاتالىق بىزدىن ئۆتكەندە كەچۈرۈم سورىشىمىز ئارقىلىق، بالا بىزدىن ئادىللىقنى، خاتالىق ئۆتكۈزگەندە ئېتىراپ قىلىشنى، قارشى تەرەپتىن كەچۈرۈم سوراشنى، كەچۈرۈش ھەم كەچۈرۈلۈشنى ئۈگىنىدۇ.

 (بۈگۈنكى مەزمۇن كىتابنىڭ ئەڭ مېغىزلىق، مەن بەك ياقتۇرغان مەزمۇنلىرى، داۋامى يەنە بار….)

 

怪盗グルーのミニオン大脱走

يىل ئاخىرى، ئاي ئاخىرى، ھەپتە ئاخىرى بەك چارچاپلا قالدۇق، شۇنداقمۇ؟!😔

بىر ئائىلە جەم بولۇپ ئامېرىكىنىڭ بۇ كومىدىيەلىك كارتۇن فىلىمىنى چارچىغان ئۆزىمىزگە سوۋغا قىلايلى.

 ياپونچىسى : 怪盗グルーのミニオン大脱走
ئىنگىلىزچىسى: Despicable Me 3

يۇقىرىدا ئىسمىنى قالدۇرۇپ قويغىنىم مىنيونزىنىڭ 2017- يىلى 6- ئايدا ئېلان قىلغان ئەڭ يېڭى نۇسقىسى. كۆرۈشكە قىززىقسىڭىز ئالدىنقى ئىككى بۆلۈمىنىمۇ  كۆرۈپ قويارسىز. لىكىنزە … بانان ناخشىلىرى بەك ئوماق بولغىنى بىلەن بەك يېقىملىق ئەمەسكەن ھە ؟!😎

Despicable Me 3

ھەپتە ئاخىرىدا ياخشى بىر ھاردۇق چىقىرامدۇق ~☀🛤

 

****************************

 

「 大好き! が伝わるほめ方&叱り方 」

ـ ناملىق كىتابتىن تەرجىمە قىلىندى

تەرجىمىدە رەيھان ئابلەت

 

تارقىتىڭ...
  1. بۇ مەزمۇنلار بەكلا ياخشى يېزىلىپتۇ، ئۇيغۇر ئانىلار كۆپرەك ئۆگىنىش قىلىشىمىز كېرەك،مەن دائىم كوچىلاردا بالىلىرىنى قاتتىق ئۇرىۋاتقان، ھەم ئېغىزغا ئالغۇسىز گەپلەر بىلەن ھاقارەتلەۋاتقان ئانىلارنى ئۇچرۇتۇپ قالىمەن ھەم ئىچىمدە نىم دىگەن بىتەلەي بالا موشۇنداق ئانىدىن تۆرەلگەن دەپ قالىمەن، يېقىندا تېخى بىرسى بالا تەربىيسى توغرىسىدا مەنبىلەن قاتتىق مۇنازىرلەشتى، ئۇنىڭ ئېيتىشىچە بالىنى دائىم ئۇرۇپ تۇرۇش كېرەككەن، ئۇرۇپ تەربىلىگەن بالا ياخشى بالا بولارمىش، ئۇرمىغان بالا بۇزۇلۇپ كوچىغا چىقىپ كىتەرمىش..

ئىنكاس يازىمەن

ئەسكەرتىش: ئىنكاسىڭىزنى باشقۇرغۇچى تەستىقلىغاندىن كېيىن ئىكراندا كۆرۈنىدۇ.

ياپون

باش بەتكە قايتىمەن

© 2019 توكيو خاتىرىلىرى