ياپون پەرزەنت تەربىيەسى: بالا يىغلىغاندا دىققەت قىلىدىغان نوقتىلار (2)

1,414 قېتىم ئوقۇلدى

بالىنىڭ ھېس تۇيغۇلىرىنى قاتتىق قوللۇق بىلەن چەكلەشكىمۇ ۋە ياكى  چەكتىن ئاشۇرۇپ يول قويۇۋىتىشكىمۇ بولمايدۇ.

ئۇنداقتا قانداق قىلىمىز؟ بىز قانداق ئاتا – ئانىلاردىن؟

دىققىتىڭىز ئۆتكەنكى «بالام يوقىلاڭ ئىشلارغىمۇ يىغلايدۇ، قانداق قىلسام بولار؟» دىگەن سۇئالنىڭ جاۋابىنىڭ داۋامىدا بولسۇن.

 

Frederic -CHOPIN Waltz in A minor

 

بالا يىغلىغاندا مۇنداق ئىككى خىل «ئاشۇرىۋېتىش» تىن ساقلىنايلى.

كىشنى ئەنسىرىتىدىغان ئىشتىن بىرى، «يىغلىما!» دەپ بالىنىڭ ھىسياتىنى چەكلەپ مەجبۇرى باستۇرۇشتۇر!

بەزىلەردە بالىنىڭ يىغا ئاۋازلىرىغا بەرداشلىق بېرەلمەي «يىغاڭنى توختات!» دەپمۇ قالىمىز. بىراق، ھەر قېتىمقى يىغىلارغا بۇ خىل چەكلەش پوزىتسىيەرىمىز داۋاملىشىۋەرسە، بالا ئۆز ھىسياتىنى ئىپادىلىسە بولمايدىغان ئىش دەپ ئويلىۋالىدۇ.

ھالبۇكى، بالا قارىماققا كۈچ كەتمەيدىغان، گەپ ئاڭلايدىغان ياخشى بالا بولغاندەك  قىلغىنى بىلەن بالىدىكى تۈرلۈك ھىس – تۇيغۇلار يۈرىكىدە بېسىلىپ قالىدۇ – دە، كەلگۈسىدە، يەنى، دەسلەپكى ياشلىق باسقۇچىغا ياكى ياشلىق دەۋىرىگە قەدەم قويغان چاغلاردا ئۆز ۋاقتىدا مەجبۇرى باستۇرۇلغان ھېس – تۇيغۇلار پارتلاپ ئوتتۇرىغا چىقىشقا باشلايدۇ – دە، سىز ئويلاپ باقمىغان ئاۋارىچىلىقلارغا سەۋەپ بوپقالىدۇ.

يەنە بىر ئەنسىرەيدىغان ئىش شۇكى:

بالا يىغلىسىلا نېمە دىسە شۇنى قىلىپ بېرىش

ئەلۋەتتە، بالىنىڭ «قۇچاقلاپ قويغىن» دىگەندەك تەلەپلىرى، بىرەر يېرى ئاغىرىش… دىگەندەكلىرىگە يول قويۇش تىلغا ئالىدىغان مەسىلە ھىسابلانمايدۇ.

لېكىن، بىرەر نەرسىگە  يىغلاپ تۇرۇپ ئىرىشىمەن دىسە، دەرھال ئېلىپ بېرىش – مانا بۇ ئەركىلىتىۋەتكەنلىك ھىسابلىنىپ، بۇ خىل تەلەپلەرگە ماقۇل دىيىش ياخشى ئەمەس.

مانا مۇشۇنداق بالىنىڭ ھىس – تۇيغۇلىرىنى بەك چەكلەش ۋە ياكى بەك زىيادە يول قويۇش بىلەن ئاشۇرىۋەتمەي نورمال بىر پوزىتىسىيەنى ساقلىساق بەك چوڭ مەسىلە يوق دەپ ئويلايمەن.

 

سىز مۇنداق ئاتا – ئانىلاردىنمۇ؟

ئارىمىزدا، نىمىشقىدۇر مۇشۇ يىغا ئاۋازىنى ئاڭلىسىلا شۇنداق بەسەرامجان بوپكىتىدىغانلار بولىشىمىز مۇمكىن.

مانا مۇشۇنداق ئانىلار دەل روھى جەھەتتىن بەكلا چارچاپ كېتىۋاتقان ۋە ياكى يىغلىغۇسى بولسىمۇ، سەۋىر قىلىپ يىغلىيالمايۋاتقانلاردىن، تىرىشچانلىق كۆرىسىتىۋاتقانلاردىن بولىشى مۇمكىن.

يەنى، بۇ خىل بالىلىرىنىڭ يىغىلىرىغا ئاسانلا خاپا بولىدىغان ئاتا – ئانىلارنىڭ بالىلىق چاغلىرىدا ئۆزى بالىنىڭ چوڭى بولغانلىقى سەۋەبىدىن ئىنى – سىڭللىرى يىغلاڭغۇلۇق قىلسىمۇ «مەن بالىنىڭ چوڭى تۇرۇپ يىغلىسام بولمايدۇ!» دەپ قاراپ سەۋىر قىلسىمۇ، ئاتا – ئانىسى پەقەت يىغلاڭغۇ ئىنى – سىڭللىرى بىلەن بوپكىتىپ، ئۆزىنىڭ كۆڭلى سەل قارالغان بالىلىق ئارقا كۆرۈنۈشى يوشۇرۇنغان بولىدۇ.

يىغلاش – مەيلى بالىلارغىمۇ مەيلى چوڭلارغا نىسبەتەنمۇ ھەرگىزمۇ خاتا ئىش ئەمەس! يىغلىغۇڭىز كەلگەندە قانغۇچە يىغلىۋېلىڭ!

كۆز ياشلىرىڭىزنىڭ كىملەر تەرىپىدىن چۈشىنىلىشكە، بەزلىنىشكە ئېرىشىشى بىلەن (چوڭلار بەزىدە ئۆزىڭىزنى ئۆزىڭىز بەزلەپ قويۇڭ) كۆز ياشلىرىڭىزنى سۈرتۈپ ئالغا قاراپ ياشايدىغان كۈچكە ئىگە بولالايسىز.

يەنىلا ئەمەلىي مىسال ئارقىلىق بۇ نەزىرىيەنى تېخىمۇ چۈشىنىپ باقايلى.

ھېس – تۇيغۇلارنىڭ ئىپادىلىنىپ چىقىشىنى ھەر ۋاقىت چەكلىسەك…

قىزچاق يىغلىغانىدى، ئانا بىئارام بولدى.

-ئۇڧ، يەنە يىغلىدى…

قىزچاقنىڭ يىغىسى توختىمىدى، ئانا :

-قاچانلا قارىسا يوقىلاڭ ئىش ئۈچۈن مىچىلدىغان! – دەپ ئاچچىقلىدى.

تاماق ۋاقتى ئىدى، قىزچاق يىگۈسى يوق تاماق ئۈچۈن يىغلاشقا باشلىدى.

-ئاپا، بېلىق يىگۈم يوق!

-ئاغزىڭنى يۇم! – دەپ خاپا بولدى ئانىسى.

كۆڭلۈمدىكىنى ئىپادىلىسەم زادى بولمىغۇدەك دەپ ئويلاپ ئۈمچەيدى قىزچاق.

كۆپىنچىلىرىمىزگە بولۇپمۇ دوستىخان ئۈستىدە ئۇنى يەيمەن، بۇنى يىمەيمەن دەيدىغان يىغلاڭغۇلار ئۈچۈن سەۋىر قىلماق تەس شۇنداقمۇ؟ ئۇنداقتا ئانىنىڭ پوزىتسىيەسىنى مۇنداق توغرىلاپ باقايلى.

بالىڭىزنى ئادەتتىكى كىشىلەردىن ھېس – تۇيغۇلىرى كۈچلۈك، ئۆزگىچە بالا دەپ ئويلاپ، بالنىڭ تۇيغۇلىرىغا ئورتاقلىشىش

قىزچاق يوقىلاڭ ئىشلار ئۈچۈن يىغلىغانىدى، ئانا قىزىدىن سورىدى.

-قىزىم، قايسى ئىشقا كۆڭلىڭىز يېرىم بولدى؟

-نائوچىيان مىنى بوزەك قىلدى ئاپا،- دىگىنىچە تېخىمۇ يىغلاپ كەتتى قىزچاق.

-ئەستا، بۇ بولماپتۇ بالام.

-بۇندىن كىيىن سەن بىلەن ئوينىمايمەن،- دەيدۇ ئاپا!

-ئۇنداق دىگەن بولسا ئەلۋەتتە كۆڭلىڭىز يېرىم بولىدۇ – دە بالام… بولدى، خاپا بولماڭ قىزىم، يېنىڭىزدا مەن بار – دىگىنىچە بالىنى باغرىغا باستى.

قىزچاقنىڭ كىچىككىنە قەلبىدە «ئاپام مېنىڭ قوللىغۇچۇم» دىگەن ئىشەنچ تۇيغۇلىرى پەيدا بولدى.

 

سۇئال – جاۋابلارمۇ تامام!

 

مۇنداق قەھرىمان بېيماكىسلارنى ياسىساق بولاتتى!

بالىلىلىرىمىز ئۈچۈن تەۋسىيەلىك كارتون «بېيماكىس» نىڭ ئۇيغۇرچە – سۈزۈك نۇسقىسى

كارتوننىڭ ئۇيغۇرچە ئاتىلىشى : ئالاھىدە قوشۇن

ئۇيغۇرچە – سۈزۈك نۇسقىسىنىڭ ئادىرىسى:

https://goo.gl/gttcwP

  ئۇيغۇر تىلىدىكى كارتۇنلار بىلەن ئۇچىرشىش پۇرسىتىگە ئىگە قىلغان دوستلارغا يەنە بىر تەشەككۈرلەر.

سەن تەنھا ئەمەس، يېنىڭدا مەن بار. يۈزلىرىڭدە تەبەسسۇمىڭنى كۆرگۈم بار. ۋاقىتنىڭ تەسەللىلىرى بىلەن بۇ ئاغرىقلار، ئازابلارمۇ ئۆتۈپ كېتىدۇ…ھامان قۇياشنىڭ ئىللىق نۇرى يېتىپ كېلىدۇ.

شۇنداق پەيتلەر بولىدۇ،  ئۆز كۈچىمىز بىلەنلا ھالقىيالمايدىغان.

 بۇ پەيىتلەردىن پەقەت   مۇھەببەتنىڭ كۈچى ۋە بىر – بىرىمىزگە مەدەت بىرىش بىلەن ھالقىغىلى بولىدۇ.

 

***********************

「 大好き! が伝わるほめ方&叱り方 」

ـ ناملىق كىتابتىن تەرجىمە قىلىندى

تەرجىمىدە رەيھان ئابلەت

 

تارقىتىڭ...
  1. بۇ كارتونغا مۇناسىۋەتلىك ئۇچۇر ۋە قىستۇرما مۇزىكىسىنى بۇرۇن يوللىغان مۇنۇ تېمىدىن كۆرگەيسىز.
    http://tokyoxatiriliri.net/?p=2727

  2. بېيماكسنىڭ ئۇيغۇرچە خەتلىك تەرجىمىسى قاتتىق ئېسىل چىققان

  3. رەيھان ياخشىمۇسىز ، مەنمۇ ھازىر پەرزەنت تەربىيىسى ھەققىدە ئۆگىنىۋاتقانلاردىن بىرى ، گۈلباھار مۇئەللىمنىڭ ئوقۇغۇچىسى ، سىزنىڭ ئۈندىدارىڭىزنى قوشىۋالسام بولامدۇ ؟

ئىنكاس يازىمەن

ئەسكەرتىش: ئىنكاسىڭىزنى باشقۇرغۇچى تەستىقلىغاندىن كېيىن ئىكراندا كۆرۈنىدۇ.

ياپون

باش بەتكە قايتىمەن

© 2019 توكيو خاتىرىلىرى