2023.03.01
قەدىمىنى توختىتىشنىڭمۇ مەناسى بار
ھەممىمىزنىڭ قايتا ئۆرلەش ئۈچۈن، ئۆزىمىزنىڭ مەركىزىدە كىملىكىمىزنى بىلىش ئۈچۈن، قەدىمىمىزنى توختىتىشقا توغرا كېلىدىغان چاغلىرىمىز بولىدۇ.
نىكاھىڭىزدىن مەسىلە چىققاندا، سالاھىيتىڭىز بولغان خىزمىتىڭىزدىن ئايرىلىپ قالغاندا، ئىشەنگەن ئادەملىرىڭىز سىزدىن يۈز ئۆرۈگەندە، ئەھۋالنى ياخشىلاشنىڭ بىردىنبىر ئامالى تەپەككۇر ئۇسۇلىنى ئۆزگەرتىش.
مەن ھاياتىمىزدىكى ھەرقانداق قىيىنچىلىقنىڭ ھېكىمىتى بارلىقىغا، قىيىنچىلىقتىن ئاكىتىپلىق بىلەن ئۆگىنىش پوزىتسىيەسى-مۇۋەپپەقىيەت قازىنىش ياكى قېيىنچىلىق ئىچىدە قاپسىلىپ قىلىشنى بەلگىلەيدىغانلىقىغا چوڭقۇر ئىشىنىمەن.
– ئوپرا ۋىنفرېي
『What I Know For Sure』دىن پارچە
Secret Love
2023.03.02
ئۈمىدۋارلىق ھەققىدە
ئۈمىدۋار بولۇش تولىمۇمۇھىم. ئۈمىد كۈندىلىك تۇرمۇشىمىزغا سىڭىپ كىرىپ، يۈرىكىمىزنىڭ قات-قاتلىرىغا ئورناپ كەتسۇن.
تۇرمۇش دېگەن ھەر دائىم ئوڭۇشلۇق بولىۋەرمەيدۇ. بىز خۇشاللىقتىن بېشىمىز كۆككە يەتكەن كەچمىشلەرگە مۇھتاج بولغىنىمىزدەك، ئازابلىنىپ كۆز-ياشلىرىمىزسەلدەك ئاققان كەچمىشلەرگىمۇ مۇھتاجمىز. ئەگەرقەلبىمىزدە ئۈمىد بولمايدىكەن ھېچنىمىگە ئېرىشەلمەيمىز.
ئۇنداقتا سۇئال: سىز ئۈمىدكە كىم ئارقىلىق ئېرىشەلەيسىز؟
ئۈمىد ئىنىرگىيە بولۇپ، ئۈمىدسىزلىك پاتىقىغا پېتىپ قالغىنىمىزدا، بىزگە ھاياتى كۈچ ئاتا قىلالايدىغان نۇر.
2023.03.03
مەسخىرە
بىراۋنى مەسخىرە قىلماق ئاسان. ئاددىيلا ھۆكۈم پىچىش، تەشۋىشنىڭ ئورنىغا يېڭىچە قىزىقىش يېتىلدۈرۈڭ.
2023.03.04
كەلگۈسىڭىزگە قۇچاق ئېچىش ئۈچۈن، ئۆتمۈشتىن قۇتۇلۇپ چىقىڭ. مەيلى بالىلىقتىكى ئەسلىمىلىرىڭىزقانچىلىك گۈزەل ۋە ياكى قانچىلىك مۇكەممەلسىزبولىشىدىن قەتئىنەزەر، بالىلىقىڭىزدا توختاپ قالماڭ. مىھر-مۇھەببەت ۋە بارچە ئىرىشكەنلىرىڭىزبىلەن ئالغا قاراپ ئىلگىرلەڭ، يۈرەكلىك ھالدا سۆيۈڭ، ئۆسۈپ-يىتىلىڭ ھەم ئۆگىنىڭ. شۇندىلا كۆك ئاسماندا قانات قېقىپ پەرۋاز قىلالايسىز.
2024.03.05
نۇرلۇق چاقناڭ
ھەر كۈنى سەھەر ئويغانغىنىڭىزدا، قانداق ئادەم بولۇشنىڭ بىر خىل تاللاش ئېكەنلىكىنى ئۆزىڭىزگە ئەسكەرتىڭ. سىز ئۆز ھېكايىڭىزنىڭ ئىجادچىسى. شۇڭا، ئىككىللەنمەستىن ئۆزىڭىزنىڭ يۇمۇرلۇق، جاسارەتلىك، شۇنداقلا چاقناپ تۇرغان تەرەپلىرىڭىزنى گەۋدىلەندۈرۈڭ. سىز بۇ دۇنياغا ئەرزىمەس بولۇپ يارالمىغان.
بەزىدە زۇلمەت باسىدىغان ئۇشبۇ دۇنيادا، قانچىلىك نۇر بولۇپ چاقنىسىڭىزمۇ يەنىلا يېتەرلىك ئەمەس.
2024.03.06
قىيىنچىلىقنىڭ سوۋغىسى
قىيىنچىلىق ئۆسۈپ يېتىلىشنىڭ تېپىلغۇسىز پۇرسىتى. ئۇ سىزگە قانداق پارچە-پارچە بولۇشنى، يەنە قانداق پۈتۈنلىنىشنى ئۆگىتىدۇ. ئۇ يەنە قانداق ئۈمىدلىنىشنى، ئىشىنىشنى ، ئارزۇغا ئىگە بولۇشنى ئۆگىتىدۇ. ئۇ سىزنى يۈكسەكلىككە كۆتۈرۈش ئۈچۈن ھازىرلايدۇ.
قىيىنچىلىقنى يېڭىش ئارقىلىق ئادەم ئۆسۈپ يېتىلىدۇ.سۆيۈش ۋە قەيسەرلىكنىڭ تۇغما ئىقتىدار بولىدىغانلىقىنى ھېس قىلدۇرىدۇ.
قىيىنچىلىقتىن ھالقىش مۇساپىسى بىر خىل سوۋغىدۇر. ئۇشبۇ مۇساپىدە كۆرگەن-ئاڭلىغانلىرىڭىزنى باشقىلارغا ھەمبەھىرلەش سىزنىڭ بۇرچىڭىز. شۇنداق قىلالىسىڭىز، سىزدىن چاقنىغان نۇر دۇنيانى يورۇتۇشقا باشلايدۇ.
2023.03.07
ئاق كۆڭۈل بولۇشقا تىرىشىڭ
ناچار كىشىلەر تولىمۇ كۆپ ئۇشبۇ دۇنيادا، قانداقلا بولمىسۇن كىشىلەرگە ياخشى مۇئامىلە قىلىڭ.
2023.03.08
پىكىرلىرىڭىز ئاڭلاشقا ئەرزىيدۇ
ئاۋازنىڭ كۈچى بار. ھەقىقەتنى ئېنىق ۋە كەمتەرلىك بىلەن سۆزلەڭ. پىكىرىڭىز ئاڭلاشقا ئەرزىيدۇ.
شۇڭا پەخىرلەنگەن ھالدا ئۆز پىكىرلىرىڭىزنى ئېيتىڭ. سۆزلەشكە تەييارلىقىڭىز پۈتكەندە، پۈتۈن دۇنيا سۆزلىرىڭىزگە قۇلاق سالىدۇ.
سۆزلىرىڭىزنىڭ ئەڭ ئېھتىياجلىق كىشىلەرنىڭ قەلبىنى لەرزىگە سالىدىغانلىقىغا ئىشىنىپ تۇرۇپ سۆزلەڭ.
2023.03.10
تەنھالىق
دۇنيا شۇنچە كەڭرى ھەم گۈزەل بولسىمۇ، تۇرۇپلا يەنە بىر سوغۇق يۈزىنى كۆرسىتىپ قويىدۇ.دەل مانا مۇشۇنداق چاغلاردا بىز غايەت زور تەنھالىق تۇيغۇلىرىنىڭ ھۇجۇمىغا ئۇچرايمىز.
شۇنداقتىمۇ ئۆزىڭىزنى يالغۇزلۇق ھېس قىلىۋاتقان ئاشۇ دەملەردىمۇ سىز ھەرگىز يالغۇز ئەمەس سىز. مەلۇم كوللىكتىپقا قوشۇلسىڭىز، يېڭى دوست تۇتسىڭىز، مۇھەببەتلەشسىڭىز بولىدۇ. كىشىلەر بىلەن پاراڭلىشىشتىن قورقماڭ، بەلكىم شۇ ئارقىلىق ياخشى دوستلاردىن بولۇپ قىلىشىڭلارمۇ مۇمكىن.
دۇنيادا ھەر خىل ئادەملەر بار بولۇپ، مانا مۇشۇنداق كۆپ خىللىقنىڭ بولىشىمۇ ناھايىتى قالتىس ئىش. قىزغىنلىقىڭىز بىلەن قورقۇنچىڭىزنى يېڭىڭ. «ئوخشىمايمىز» دەپ قارىسىڭىزمۇ، ئويلىمىغان يەردىن نۇرغۇن ئورتاق تەرەپلىرىڭلار بولىشىمۇ مۇمكىن.
ئەتراپىڭىزدا يالغۇزلۇق ھېس قىلغان بىرەرىنى بايقاپ قالسىڭىز، پەرۋاسىز قارىماستىن تەشەببۇسكارلىق بىلەن ئېغىز ئېچىڭ.
2023.03.11
بەخىت تۇيغۇڭىزنى ئۇلغىتالايسىز
شۇنى ئۇنۇتماڭكى، بەخىتلىك ياكى ئەمەسلىكىڭىزگە ھۆكۈم قىلىدىغىنى باشقىلار بولماستىن دەل ئۆزىڭىز.
2023.03.12
بۈگۈن يەنە بىر رەت تەكرارلانمايدۇ
بۈگۈن يەنە بىر رەت كەلمەيدۇ. شۇڭا بۈگۈنىڭىزدە تولۇق ياشاڭ، ئەپۇ قىلىڭ ھەم سۆيۈڭ. ېبارچە گۈزەل ئىشلار ئۈچۈن مىننەتدار بولۇپلا قالماستىن، مېڭىشقا تېگىشلىك يولنى كۆرسىتىپ بەرگەن كۈلپەتلىرىڭىز ئۈچۈنمۇ مىننەتدار بولۇڭ.
بۈگۈننى قانداق ئۆتكۈزۈش ئۆزىڭىزگە باغلىق. مەيلى قانچىلىك قاملاشمىغان بولىشىدىن قەتئىنەزەر، ئۆزىڭىز يېزىپ چىققان ھېكايىڭىزگە ئىشەنچىڭىز بولسۇنكى، بەك مۇكەممەل بولۇشنى تەلەپ قىلىش ھاجەتسىز. مۇكەممەل بولمىسىمۇ، ھازىرقى شۇ ھالىتى يېتەرلىك.
بۈگۈندىن ئىبارەت ۋاقىت ئىلكىڭىزدە بار بولغان ھەممىگە باراۋەر. بۇ ھەقىقەتنى قوبۇل قىلىپ، دەل ھازىرقى دەقىقىلىرىڭىزنى قەدىرلەپ ياشاڭ.
2023.03.13
ئويلىرىڭىز رىئاللىقىڭىزغا ئايلىنىدۇ
ئويلىرىڭىز رىئاللىقىڭىزغا ئايلنىدۇ. ئىجابىي تەرەپتىن ئويلىسىڭىز، تاپىدىغىنىڭىز ياخشىلىق بولىدۇ. يامان دەپ ئويلىسىڭىز، ئىشلار يامىنىغا ماڭىدۇ.
2023.03.14
كىشىگە بەرگەن تۇيغۇلىرىڭىز ھەرگىزمۇ ئۇنتۇلمايدۇ
نېمە دېگىنىڭىز، نېمە قىلغانلىرىڭىز ئۇنتۇلۇپ كېتىدۇ. ئەمما، كىشىگە بەرگەن تۇيغۇلىرىڭىز ھەرگىزمۇ ئۇنتۇلمايدۇ.
—مايا ئەنجىلو
* 1928-2014بىلغىچە ياشىغان ئامېرىكىلىق شائىر ، يازغۇچى ۋە پۇخرالىق ھوقۇقى پائالىيەتچىسى
مەندىن: يۇقارقى جۈملىنى ئوقۇپ ئويلىنىپ قالدىم. بەزىدە باشقىلارنىڭ ئاغزىدىن«سىز پالانى ۋاقىتتا مۇنداق دېگەنىدىڭىز..»دېگەندەك سۆزلەرنى ئاڭلاپ قالىمىز ھەم ئاددىيلا، ئانچەموھىم دەپ قارالمايدىغان، مەقسەتسىز دېيىلگەن سۆزلەرنىڭ پەش، چىكىتلىرىگىچە قارشى تەرەپنىڭ ئېسىدە تۇتقانلىقىغا ھەيران قالىمىزھەم شۇ گەپكە ئىشىنىپمۇ قالىمىز.
سىزنى ياقتۇرىدىغان ئادەملەر كەمچىللىكلىرىڭىزنىمۇ ياقتۇرىدىكەن. سىزنى ياقتۇرمايدىغان ئادەم ئۈچۈن خاتا كەتكەن پەش،چىكىتلىرىڭىزمۇ قۇسۇر ئىزدەشنىڭ يىتەرلىك ئىسپاتى بولالايدىكەن.
قىسقىسى، بىز پەقەت يېقىملىق تۇيغۇلارنى بەرگەن ھەم بېرەلىگەن ساناقلىق ھەم سۆيۈملۈك كىشىلەرنىڭ مۇھەببىتىدە ياشايدىكەنمىز ھەم ياشىتىدىكەنمىز.
2023.03.15
ئادەتتىكىچە بولمىغان سىز
سىز ئادەتتىكىچە دۇنيادا زاھىر بولغان تايچاقسىزكى، ھەممىلا كىشىنىڭ ياقتۇرىشىغا ئىرشەلمەيدىغانلىقىڭىزدەك ئاددى ھەقىقەتنى قوبۇل قىلىڭ.
شۇنداقتىمۇ ھېچقىسى يوق. ئۆزىڭىزنىڭ قالتىس تەرەپلىرىدىن گۇمانلانماڭ. سىزدىكى سېھرى كۈچكە قايىل كىشىلەر بىلەن بىللە بولۇڭ. قەددىڭىزنى تىكلەپ، ئۆزىڭىزگە ئىشەنگەن ھالدا پىكىرىڭىزنى ئوتتۇرىغا قويۇڭ.
باشقىلارنىڭ ئېتىراپ قىلىشىغا، ياخشى كۆرىشىگە ئېرىشىش ئۈچۈن كۈچەشنىڭ ھاجىتى يوق. سىزدىكى يارقىن تەرەپلەرگە ھەسەت قىلىدىغانلار ئۈچۈن قەستەن ئۆزىڭىزنى كىچىك كۆرسىتىشنىڭ تېخىمۇ ھاجىتى يوق!
2023.03.16
كۆڭۈل–كۆكسڭىزنى كەڭ تۇتۇپ ئاڭلاڭ
بىلمەيدىغانلىرىڭىزغا دادىللىق بىلەن يۈزلىنىڭ. باشقىلارنىڭ پىكىرىگە قۇلاق سالماستىن ئۆزىڭىزنى قاچۇرۇشقا ئۇرۇنماڭ. ۋاڭ–چۇڭغا تولغان ئۇشبۇ ئالەمدە، ھەمىمىز پىكىرىمىزنى باشقىلارنىڭ كۆڭۈل قويۇپ ئاڭلىشىنى ئۈمىد قىلىمىز، ئەلۋەتتە.
شۇڭا، پىكىرىڭىزنى ئوچۇق ئېيتىش بىلەن بىر ۋاقىتتا، قارشى تەرەپنىڭ پىكىرىنىمۇ چۈشىنىشكە تىرىشىپ بېقىڭ. قارشى تەرەپنىڭ پىكىرىگە قوشۇلمىغان تەقدىردىمۇ كۆڭۈل–كۆكسىڭىزنى كەڭ تۇتۇڭ. باشقىلارنىڭ سۆزىنى پۈتۈن ۋۇجۇدى بىلەن ئاڭلىيالايدىغان ئىقتىدار ئىنسانىيەتنى قۇتقۇزۇپ قىلىشقا سەۋەب بولۇپ قىلىشىمۇ مۇمكىن.
ھېچكىمنىڭ تۇغۇلىشىدىنلا رەزىل بولۇپ تۇغۇلمايدىغانلىقىغا، مۇمكىنسىز ئىشنىڭ بولمايدىغانلىقىغا ئىشىنەيلى. كۆڭۈللەرمۇ خۇددى پەسىللەرگە ئوخشاش ئۆزگىرىپ تۇرىدۇ.
2023.03.17
ئۆتمۈشىڭىز بۈگۈنكى سىزنى ياراتقان
ئۆتمۈشىڭىز بىلەن چىقىشىپ ئۆتۈڭ.
ئۆتمۈشىڭىز قانداق ئادەم ئېكەنلىكىڭىزنى كۆرسىتىپ بېرىدۇ.
سىزدىن ئىبارەت گۈزەل بىر مەۋجۇداتنى ياراتقىنى ئىلگىرى باشتىن كەچۈرگەن بارلىق كەچمىشلىرىڭىزدۇر. مانا بۇ ئەمەلىيەتنى قوبۇل قىلىڭ.
ھازىرقى سىز قانداق بولۇشىڭىزدىن قەتئىينەزەر، بۇرۇنقى ئۆزىڭىز بىلەن قوشۇپ بارچە ئۆزىڭىزنى سۆيۈڭ.
ئادەم قانچە كۆپ قىيىنچىلىققا ئۇچىرىغانسىرى، ئېرىشىدىغانلىرىمۇ شۇنىڭغا يارىشا كۆپ بولىدۇ.
2023.03.18
مەسلىھەت ئالغاندا
كۆپلىگەن كىشىلەر ياخشى نىيەتلىرى بىلەن، قانداق ياشاش توغرىسىدا مەسلىھەت بېرىشىدۇ. شۇنىسى خەققە پايدىلىق بولغاننىڭ سىز ئۈچۈن ياخشى بولىشى ناتايىن. شۇنداقتىمۇ ئالدى بىلەن«ماڭا ياخشى بولسۇن» دەپ ئېيىتتى دەپ بىلىپ، چىن كۆڭلىمىزدىن مىننەتدار بولايلى. ئاندىن ھەقىقى قىلغۇمىز بار ئىشقا ئۆزىمىزنىڭ قارارىنى بەرسەكمۇ بولىدۇ.
2023.03.19
قەلبنى تىنچلاندۇرۇش مەشىقى
روھىڭىزنىڭ چۇقانلىرىغا قۇلاق سېلىڭ.
«مۇشۇنداق ئىشلارنى قىلىپ يۈرگەنلىكىڭ ئۈچۈن ئارزۇيۇڭ ئەمەلگە ئاشمايۋاتىدۇ»، «روھىڭنى تىڭشىيالمىغۇدەك نېمىلەرنى قىلىپ يۈرىسەن؟»، «دېققىتىڭنى مەركەزلەشتۈرۈشكە تېگىشلىك ئىشلار بۇ ئەمەس، خاتا ئىشلارغا بېرىلىپ كېتىۋاتىسەن»…دېگەندەك قەلب سادايىڭىزنى ئاڭلىيالىغىنىڭىزدا، قەلبىڭىزنىڭ تەلىپى بويىچە ھەركىتىڭىزنى ئۆزگەرتىڭ. چۈنكى. قەلب ھەقىقەتنى سۆزلەيدۇ.
2023.03.20
كۆزگە كۆرۈنگەن بولۇشتىن ئەنسىرىمەڭ
ھەمىشە باشقىلارغا ئوخشىمايدىغان ئۆزگىچە ئادەم بولۇش تەلەپ قىلىنىدۇ–يۇ، باشقىلار بىلەن ئوخشىماي قالسىڭىز ئاسانلا باشقىلارتەرىپىدىن خاتا چۈشىنىلىنىپ قالىسىز. شۇنداقتىمۇ مۇنداق خاتا چۈشىنىلىشتىن قورقماڭ. ئۆزگىچىلىكتە ئۈمىد نۇرلىرى بولىدۇ.
كەمتەرلىك بىلەن باشقىلاردىن ئۆگىنىش ناھايىتى مۇھىم بولسىمۇ، ئۇ كىشىگە ئوخشاش بولۇۋىلىشنىڭ قىلچىمۇ ھاجىتى يوق. بۇخۇددى سىز ئۈچۈن ياسالمىغان ساندۇققا ئۆزىڭىزنى پاتقۇزۇشقا مەجبۇرلىغانغا ئوخشاش.
روھىڭىز ئەركىن قاناتلانسۇن. باشقىلارغا ئوخشاش بولۇش ئۈچۈن، ئۆزىڭىزدە بار سىھرى–كۈچنى ئىسراپ قىلىۋەتمەڭ.
نورۇز مۇبارەك
2024.03.21
چارىسىزلىقتىن ھالقىشنىڭ قۇدىرىتى
ئاجىز دەملىرىڭىز سىزنى چارىسىز قويمايدۇ.ھەرقانداق ئادەمنىڭ ناچار ئەھۋالغا قالىدىغان ۋاقتى بولىدۇ. مۇنداق ۋاقىتتا ئورنىڭىزدىن دەس تۇرۇپ، ئۈستى-بېشىڭىزنى قىقىشتۇرۇپ، مەزمۇت قەدەم ئېلىڭ.
كۈچىڭىز يەتمەيدىغان ئىشلاردىن زارلانغاننىڭ ئورنىغا ، ئۆزىڭىز قىلالايدىغان ئىشنى قىلىپ سىناپ بېقىڭ. چۈنكى، سىز ئاجايىپ ئىقتىدار بىلەن يارىتىلغان.
شۇنداق، ھاياتلىق يولىڭىزدا پۇتلىشىسىز، يىقىلىسىز.ئەمما ھەر قېتىم ئورنىڭىزدىن تۇرغىنىڭىزدا تېخىمۇ ئۆزىڭىزگە ئىشىنىدىغان، كۈچلۈك بولىسىز.ئاجىزلىقنىڭ ئاسانلا سىزنىڭ ھاياتلىق ھېكايىڭىزگە ئايلىنىپ قىلىشىغا يول قويماڭ.ئويلىغىنىڭىزدىنمۇ كۈچلۈك سىز.
2023.03.22
مەسئۇلىيەت ئۆزىڭىزدە
مەن ئۆزۈمنىڭ ھەل قىلغۇچ ئامىل ئىكەنلىكىمدىن ئىبارەت قورقۇنچلۇق يەكۈنگە كەلدىم.
بىر كۈنلۈك ھاۋارايىنىڭ قانداق بولىشى مېنىڭ قانداق ئويلىشىم تەرىپىدىن بەلگىلىنىدىكەن. يەنى ھاۋارايىنى بەلگىلەيدىغىنى مېنىڭ شۇكۈنلۈك كەيپىياتىمكەن.
مەندە ھاياتنى ھەسرەتكىمۇ، خۇشاللىققىمۇ تولدۇرالايدىغان زور ھاياتى كۈچ باركەن.
كىشىنى قىيناپ ئازابلىيالىغىنىمدەك، ئىلھاممۇ ئاتا قىلالايدىكەنمەن.
كىشىنى ئوڭايسىز ئەھۋالغا چۈشۈرۈپ قويالىغىنىمدەك، خۇشاللىقمۇ ئاتا قىلالايدىكەنمەن.
كىشىنىڭ قەلبىنى يارا قىلالىغىنىمدەك، يارىلىرىنى ساقايتىدىغان مىھر–شەپقەتمۇ ئاتا قىلالايدىكەنمەن.
بىر ئىنكاسىم بىلەن كىرىزىسنى ئېغىرلىتىۋەتكىلىمۇ، زىددىيەتنى يېنىكلەتكىلىمۇ بولىدىكەن.
ئۇچراتقان ئادەملەرنىڭ ئادىمىيلىكىنى ياخشىمۇ، ناچارمۇ قىلالايدىكەنمەن.
ئۇچراتقان شۇ كىشىگە ئۇ بولۇشقا تېگىشلىك ئادەمگە مۇئامىلە قىلغاندەك مۇئامىلە قىلساق، ئۇنىڭ شۇنداق ئادەم بولۇپ چىقىشىغا يارىدەم قىلغان بولىدىكەنمىز.
يوھان ۋولفگان فونگەيت
2023.03.23
ئەڭ ياخشى ياكى ئەڭ ناچار ئەھۋالدا ئۆزىنى باھالىماسلىق
ھاياتنىڭ مەيلى قانچىلىك چۇڭقۇر تەگلىرىگە چۈشۈپ كېتىشىدىن قەتئنەزەر، پۈتۈنلەي ئەسكى ئادەم بولمايدۇ. تۇرمۇشتا ياخشىمۇ، يامانمۇ ۋاقىتلار بار.
ھەممە ئىشلىرىڭىز ئوڭغا تارتىپ، تىزلىنىپ تۇرۇپ رەھمەت ئېيتقۇدەك بىر كۈنلەر كېلىشىمۇ مۇمكىن. شۇ چاغدىمۇ پۇتىڭىز يەرنى دەسسەپتۇرمىسا بولمايدۇ. (ئۆزىڭىزنى بىلەلمەي بەك ئاسمانغا چىقىپ كەتكەندەك بوپكەتسىڭىزمۇ، بەرىبىرى پۇتىڭىز يەردە دېمەكچىدە بۇ يەردە)
ھازىرغا قەدەر باشتىن كەچۈرگەن بارلىق كەچمىشلىرىڭىز توپلىنىپ بۈگۈنكى سىزنى ياراتقان. زىيادە باھالارنىڭ توزىقىغا چۈشۈپ قېلىشتىن ساقلىنىڭ. ئەڭ ياخشى، ئەڭ يامان چاغلارمۇ ھەممىگە ئوخشاش پەقەت ۋاقىتلىق ئۆتكۈنچىدۇر، خالاس.
202303.24
يىقىلسىمۇ ئورنىدىن تۇرۇش
يىقىلسىڭىزمۇ يەنە ئورنىڭىزدىن تۇرسىڭىزلا بولىدۇ.
―Angelique Kidjo*
* 1960-يىلى تۇغۇلغان. بېنىن جۇمھۇرىيەت ناخشىچىسى، جۇمھۇرىيەت ئەلچىسى
2023.03.25
خەتەردىن قورقماسلىق
ھەقىقى ئۆزىڭىز بولۇپ ياشىشىڭىزنىڭ ھەمىشە خەتىرى بار. ئۆزىنىڭ ياقتۇرۇش–ياقتۇرماسلىقىغا ئاساسەن سىزنى باھالايدىغان، سىزنى ياقتۇرمايدىغان بەزى ئادەملەر چىقىپ قالىدۇ.
باشقىلارنىڭ ياقتۇرماسلىقى سىزگە قورقۇنچلۇق تۇيۇلىشى مۇمكىن. ئەمما بۇنىڭلىق بىلەن ھەممىلا ياخشى كۆرىدىغان ئادەمنىڭ رولىغاچىقىشىڭىز ھاجەتسىز.
خەقنىڭ باھاسىدىن ھەقىقەتەنمۇ قېچىپ قۇتۇلغىلى بولمايدۇ. شۇنداق بولغانىكەن، باشقىلار ھۆكۈم قىلىشسىمۇ ھەقىقى ئەسلىدىكى سىزگەباھا بەرگىنى تېخىمۇ ياخشى ئەمەسمۇ؟
2023.03.26
كېچىكتۈرۈلگەن ئارزۇ
ئارزۇ بولۇش ئۈچۈن جاسارەت كېرەك. ھازىرقى ھالىتىدىن رازى بولۇپ ياشاش راھەترەك بولسىمۇ.
ئەمەلگە ئاشمايدىغان ئارزۇ قورقۇنچلۇق. بەلكىم، يەتكىلى بولمايدىغان نىشاننى تىكلىۋالغان بولشىمىزمۇ، نىشانىمىز مەغلۇبىيەت بىلەن ئاخىرلىشىشىمۇ، مۇنداق ئارزۇيىمىزنىڭ بولغىنىئۈچۈن پۇشايمان قىلىشىمىزمۇ مۇمكىن. ياق، ئەمەلىيەتتە پۇشايمان قىلىش نىسبىتى يۇقىرى.
مۇشۇنداق ئەھۋالدا ئاشۇنداق ئويلارنى قىلغاندىن كۆرە، ئارزۇ بولۇشتىن ئىبارەت جاسارەتنى ئاتا قىلغان بارچە نەرسىلەرنى قوبۇل قىلغان ئەۋزەل.
2023.03.27
ئۆزىڭىزگە ناچار مۇئامىلىدە بولسىڭىز، باشقىلارمۇ سىزگە قوپال مۇئامىلىدە بولىدۇ
ئۆزىڭىزگە ياخشىلىق ۋە مۇھەببەت بىلەن مۇئامىلە قىلسىڭىز، باشقىلارمۇ سىزگە شۇنداق مۇئامىلە قىلىدۇ.
ئۆزىڭىزگە قوپال مۇئامىلە قىلسىڭىز، باشقىلارمۇ سىزگە ناچار مۇئامىلىدە بولىدۇ.
ئۆزىڭىزنىڭ قىلالايدىغانلىرىڭىز ھەم قىلالمايدىغانلىرىڭىزنى ئايرىۋىلىڭ.
ئۆزىڭىز ياقتۇرمايدىغان ئىشلارغا ئوچۇق قىلىپ «ياق»دەڭ.
ئىككىلىنىپ قالغان ۋاقتىڭىزدا بىۋاستە سىزىمىڭىزغا ئىشىنىڭ.
سىز ھۆرمەتكە، قەدىرلىنىشكە لايىق سىز.
ئۆزىڭىزنى قەدىرلىسىڭىز، باشقىلارمۇ سىزگە لايىق مۇھەببەت، ئاق كۆڭۈللۈك ۋە كۆيۈمچانلىق بىلەن مۇئامىلە قىلىدۇ.
2023.03.28
ھەمىشە مۇھەببەتنى تاللاڭ
مۇھەببەتتە ئىھتىياتچان بولماق ياخشى. ئەمما كىچىككىنە ئېھتىماللىق بولسىلا قەلبىڭىزنى قۇلۇپلىۋالماڭ.
تۇيغۇلىرىڭىزغا ئەگىشىڭ، تۇيغۇلىرىڭىزنىڭ چبنلىقىغا ئىشىنىڭ.
مۇھەببەت تەقدىرنى قايتىدىن يېزىپ چىقالايدىغان، ھەمراھىڭىز بولمىسا ئويىغىلى بولمايدىغان ئۇسۇل.
ھەرگىزمۇ ۋاز كەچمەستىن، جاسارەت بىلەن سۆيۈڭ. سىز يۈكسەك مۇھەببەتكە لايىق سىز.
2023.03.29
دۇنيا ھامان ئەسلىگە قايتىدۇ
مۇۋەپپەقىيەتنىڭ خۇشاللىقى قەلبىمىزنى لەرزىگە سالىدىغان كۈنلەر بولىدۇ. ئويلىمىغان يەردىن تەلەي قۇشى بېشىمىزغا قونۇپ ئۇسسۇلغاچۈشكىمىز كېلىدىغان پەيتلەر بولىدۇ. مۇنداق چاغلاردا كۆڭلىڭىزنى ئازادە تۇتۇپ، بۇ سېھىرلىك پەيتلەر ئۈچۈن مىننەتدار بولۇڭ ھەم سەمىمىيلىك بىلەن قوبۇل قىلىڭ. ئەمما،ئاينىڭ ئونبەشى يورۇق بولغان بىلەن يەنە ئونبەشىنىڭ قاراڭغۇمۇ بولىدىغانلىقىنى ئەستىن چىقارماڭ.
ھاياتىڭىزنىڭ ئېغىرچاغلىرىدا، ئۆزىڭىزگە بولغان ئىشەنچنى يوقىتىپ قويغان كۈنلەردە، ئازابلىق تۈنلەردە ئۆزىڭىزگە ھۆكۈم قىلىشتىن ساقلىنىڭ. ۋاڭ–چۇڭغا تولغان ئۇشبۇ دۇنيادا، مۇنداق چاغلارغىمۇ ئىھتىياجىمىز بار، ئەلۋەتتە.
يىغلىغۇڭىز كەلگەندە يىغلىۋىلىڭ. كۈلگەندە قانغۇچە كۈلىۋىلىڭ. ئۇسسۇل ئوينىغۇڭىز كەلگەن بولسا، ئوينىۋىلىڭ. قەلبىڭىزدىكى بارچە ھېس–تۇيغۇلارنى شۇ پېتى ھېس قىلىپ بېقىڭ.
شۇنىڭغا ئىشىنىڭكى، دۇنيا ھامان ئەسلى ھالىتىگە قايتىدۇ.
2023.03.30
نىشانىڭىزغا دىققەتنى مەركەزلەشتۈرۈڭ
«كۈچلۈك بولغىن»دەپ ئۆزىڭىزگە جاسارەت ئاتا قىلىپ، تېخىمۇ پارلاق ئەتىنى تەسەۋۋۇر قىلىشقا كۈچىڭىزنى قاراتسىڭىز، كەلگۈسىدىن ئەنسىرەشلىرىڭىز بارغانسىرى مۇھىم بولماي قالىدۇ.
Audrey Lord *
『The Cancer Journals」
2023.03.31
مىننەتدارلىق مەشىقى
دېققىتىڭىزنى ئۆزىڭىزدە يوق نەرسىلەرگە ئەمەس، ئىلكىڭىزدە بارلىرىغا بېرىڭ.
بىر پارچە قەغەز ئېلىپ، مىننەتدارلىق تىزىملىكى يېزىپ چىقىڭ ھەم «مەن …دىن مىننەتدارمەن» دېگەن سۆزدىن باشلاڭ. يازغانلىرىڭىزنى باھالىماستىن، تەنقىدلىمەستىن نېمىنى ئويلىغان بولسىڭىز چوڭ-كىچىك دېمەي ھەممىنى يېزىڭ. يېزىپ بولغاندىن كېيىن، تامنىڭ كۆزگە ئاسان چىلىقىدىغان يېرىگە چاپلاپ قويۇڭ. ياخشى كۆرگەن ئادەملىرىڭىزگە ھەمبەھىرلەڭ، رەسىمگە تارتىپ يانفونىڭىز ياكى كومپىيۇتىرىڭىزنىڭ ئىكران كۆرۈنۈشى قىلىۋىلىپ، مىننەتدارلىق تىزىملىكىڭىزنىڭ ئېشىۋاتقىنىغا دىققەت قىلىپ تۇرۇڭ.
ئۆزىڭىزدە بار بولغانلىرىغا دىققىتىڭىزنى بېرىش ئارقىلىق ئېرىشىدىغانلىرىڭىزنى تېخىمۇ ئۇلغىتالايسىز. ئېسىڭىزدە بولسۇنكى، نېمىگە دېققىتىڭىزنى قارىتىشنى تاللىسىڭىز، شۇ ئۇلغىيىدۇ.
MARCH
3-ئاي خۇددى نورۇز گۈللىرىدەك چىرايلىق ئۆتكەن بىر ئاي بوپتۇ . بۇ ئايدا مەن مۇۋاپىقيەتلىك سەھەر تۇرۇشنى ئادەت قىپتىمەن. بۈگۈندىن باشلانغان ئۈمۈد ئېيىمىزنىڭ بەرىكەتلىك، گۈزەل بىر ئاي بولىشىغا تىلەكداشمەن~❤️
***********************
تەرجىمىدە: رەيھان ئابلەت
مەنبە: A year of positive thingking by Cyndie Spiegel
ئىنكاس يازىمەن