ياپون ئانىلىرىنىڭ ئانىلىق تۇيغۇلىرى

4,274 قېتىم ئوقۇلدى

بىر ئايالدىن سوراڭ، ھاياتىڭىزدىكى ئەڭ ھاياجانلىق، ئىسىڭىزدىن مەڭگۈ كۆتۈرۈلمىگۈدەك ئۇنتۇلغۇسىز مىنۇتلىرىڭىز قايسى دەپ.

ئىشىنىمەنكى جاۋابى شۇ بولىدۇكى، ئانا بولغان  دەقىقىلەر.

مەن شۇنداق بىر سۆزنى ئاڭلىغان، سىزمۇ قەيەرلەردىندۇ ئوقۇغان, بەلكىم.

بىر ئايال ئانا بولماي تۇرۇپ ھەقىقى ئايال بولالمايدۇ.

 

Chopin – Spring Waltz

***

ياپون ئاياللىرى، بولۇپمۇ ياپون ئانىلىرى ھەم پەرزەنت تەربىيەسى ئۇيغۇر جەمئيىتى ئۈچۈن بىر قىززىق نوقتا بولسا كېرەك.   بۈگۈن توختىلىدىغىنىمىز رىئاللىقتىكى ياپون ئانىلىرىنىڭ  قىسقىغىنە ئەمەلىي تۇرمۇش كارتىنىلىرىدىكى  ھەقىقى ئانىلىق تۇيغۇلىرى.

ئانىلىق تۇيغۇلار ـ مىللەت، دۆلەت، چىگرا، ئېرق… ئايرىمىسا كېرەك. بۇلار  يالغۇز ياپون ئانىلىرىنىڭلا ئەمەس، ئۇيغۇر ئانىلىرىنىڭمۇ، سىزنىڭ ھەم مېنىڭمۇ قەلب سۆزلىرىم.

***

ئاتا ـ ئانا بىلەن بالا ئوتتۇرىسىدىكى يۈرەكنى ئىللىتىدىغان تۇرمۇش كارتىنىلىرى

 

كاناگاۋا ئۆلكىسىدىن 29 ياشلىق ئانا

  كىچىككىنە بىر ئىش، بەلكىم.  2 ياشلىق ئوغلۇم يېقىندىن بېرى، گەرچە بىز ھىچقاچان ئۈگەتمىگەن بولساقمۇ ھەر قېتىملىق تاماق ياكى چايلاردىن كىيىنكى قاچىلارنى ئاشخانا ئۆيگىچە توشۇپ بېرىپ بىزنى ھەيران قالدۇردى. ھەممىدىن ھەيران قالارلىقى، ئوغلۇمنىڭ قاچىلارنى يۇغۇشتۇرۇپ بولۇپ، ئۆزىنىڭ بېشىنى سىيلاشلىرى بولدى.

يولدىشىم ئىككىمىز كۈلۈپ كېتەتتۇق ھەم دەرھاللا «مېنىڭ قالتىس ئوغلۇم !» دەپ بالىنىڭ بېشىنى سىيلاپ كېتەتتۇق.

بالىنى بەك ماختاشنىمۇ، ئەيىپلەشنىمۇ قاملاشتۇرۇپ كېتەلمەيدىغان مەن، ئوغلۇمنىڭ بۇ تاتلىق قىلىقىدىن بالامنى ماختاشنى ئۈگەنگەندەك بولدۇم.

 

خوككايدو ئۆلكىسىدىن 36 ياشلىق ئانا

2 ياشلىق قىزىم تامىقىنى ئۆرىۋىتىپ قالغاندا، بىلىپ ـ بىلمەيلا ئەيىپلەپ كەتتىم، ـ دە، شۇنچىلىك ئىشقىمۇ بالىغا قاتتىق تەگىكىنمنى ھىس قىلىپ  ئۆزۈمنى دەرھال ئوڭشىۋالدىم ھەم قىزىمدىن «قەستەن تۆكىۋەتمىگەن بولغاندىكىن ئامال يوق ھە… يوقىلاڭ ئىشقا خاپا بولۇپ كەتتىم، خاپا بولماڭ قىزىم» دەپ كەچۈرۈم سورىدىم.

شۇ ئىش بولۇپ ئەتىسىلا ئۆزۈممۇ ئىچىۋاتقان ئىچىملىكنى ئىھتىياتسىزلىقتىن تۆكىۋىتىپ قالدىم. بۇ چاغدا قىزىمنىڭ  «ئاپا ، بوپتۇ ھىچقىسى يوق، سۈرىتىۋەتسىڭىزلا بولىدۇ ئەمەسمۇ …»

دىگەنلىرىنى ئاڭلاپ بالىنىڭ  كىچىككىنە سەۋەنلىكلىرى  ئۈچۈن ئاچچىقلاپ كەتكەنلىرىمنى ئويلاپ پۇشايمان قىلىپ قالدىم.

 

چىبا ئۆلكىسىدىن 41 ياشلىق ئانا

بالىلار ڧىلىم ڧىستىۋالىغا كېچىكىپ قېلىش… سۇ ئۈزۈشكە بارغاندا سۇ ئۈزۈش كىيىمى يوق… نەرسە ـ كىرەك سېتىۋىلىشقا چىققاندا، پورىتمالنى ئۇنتۇپ قىلىش…

ئۇف… ھەمىشە مانا مۇشۇنداق غەلىتە ھاڭۋاقتى ئىشلارنىلا قىلىپ يۈرىدىغان ماڭا  «بوپتۇ… ھىچقىسى يوق، ھىچقىسى يوق… مەنغۇ قەتئى ئالدىرىمايمەن…» دەپ تاتلىق كۈلىدىغان  4 ياشلىق قىزىم.

داۋاملىق «تىز بولۇڭ، كېچىكىپ قالىمىز…» دەپ قىزىمنى ئالدىرىتىپ ئەيىپلەيدىغان مەن ھەر كۈنى قىزىمنىڭ مانا مۇشۇنداق سۆزلىرى بىلەن قەلبىم ئىللىقلىققا تولىدۇ.

 

ئوكىناۋا ئۆلكىسىدىن  41 ياشلىق ئانا

ئاتا – ئانامنىڭ بىرەر قېتىممۇ قاتتىق مۇئامىلە، ئاچچىقىلىنىشلىرىنى ئەسلىيەلمەيدىغان مەن ھەر دائىم ئىللىق قۇياش نۇرىدەك مىھرى بىلەن چوڭ قىلغان ئاتا – ئانامغا چىن يۈرۈكۈمدىن رەھمەت ئېيتىمەن، ھىلىمۇ ھەم بىر ئائىلە كىشىلىرى شۇنچىلىك ئىناق – ئىجىل.

ئالدىنقى ئاي قايتمىغىلى ئۇزۇن بولغان يۇرتۇمغا كەلگىنىمدە، قىزىمنىڭ ماشىنا توختىتىش مەيدانىدا يۈگۈرۈپ يۈرگىنىگە ئۆزۈمنى تۇتىۋالالماي نەچچە قېتىم «خەتەرلىك، خەتەرلىك…!!!» دەپ يۇقىرى ئاۋازدا توۋلاپ كېتىپتىمەن. قاتتىق توۋلىغان ئاۋازىمنى ئاڭلىغان ئانام ـ داداملار «بالام، كىچىك بالا نىمىنىڭ خەتەر ئىكەنلىكىنى بىلمەيدۇ، بۇنداق چاغلاردا بالىنىڭ يېنىغا كىلىپ قولىنى تۇتىۋالساقلا كۇپايە…» دېدى   ئىللىق كۈلۈمسىرەپ. ھەم دەرھال قىزىمنىڭ يېنىغا بېرىپ قولىنى تۇتتى… بالامنى يىراقتا تۇرۇپ «خەتەرلىك…» دەپ ئەيىپلەپ كەتكەن ئۆزۈمدىن خىجىل بولدۇم ھەم ئاتا – ئانامنىڭ مىنى ئېغىزدا ئەمەس، «قولۇمدىن تۇتۇپ تۇرۇپ» يەنى، ئەمەلىي ھەركىتى بىلەن چوڭ قىلىغانلىقىنى يەنە بىرقىتىم ھىس قىلدىم. ئېغىزدا ئەمەس ئەمەلىي ھەركىتى بىلەن مېنى تەربىيلەپ چوڭ قىلغان ئانام – داداملاردىن بەكلا مىننەتدارمەن.

 

ئايچى ئۆلكىسىدىن 30 ياشلىق ئانا

يېقىندىن بېرى، دادىسىنى ماڭا ئوخشاش تەلەپپۇزدا ماختاپ، تەنقىدلەۋاتقان قىزىمغا قاراپ يا كۈلۈشۈمنى يا يىغلىشىمنى بىلەلمەي قىلىۋاتاتتىم.

ئالدىنقى كۈنى، پەقەتلا گېپىمنى ئاڭلىمايۋاتقان قىزىمغا نىمىشقىدۇر ئىختىيارسىزلا «ھەجەپ ئۆچ بولدۇم!» دەپ سالدىم. قىزىم ئەكسىچە «ئاپامنى ياخشى كۆرىمەن!» دەپ بوينۇمغا ئېسىلدى.

ئاچچىقىم لەپپىدە يېنىپ، پۇشايمانمۇ قىلىپ قالدىم. بەلكىم، بالىنىڭ مەيدانىدىن تۇرۇپ ئويلىغاندا، شەرتلىك بىر ئانا بولۇپ بالامغا كۆيۈنىۋاتقان بولىشىم مۇمكىن ئىدى… شۇنداق ئويلىدىم، ھىسياتقا يېڭىلىپ بالىنى ئەيىپلەيدىغان ئانا بولمايمەن.

 

كاناگاۋا ئۆلكىسىدىن 42 ياشلىق ئانا

پات ئارىدا 2 ياشقا كىرىدىغان ئىككىنجى ئوغلۇمنىڭ دەل نىمىلا دىسە «ياق» دەيدىغان قارشىلىق مەزگىلى.

بۇ مەزگىلدە  كىچىك ئوغلۇمغا ئامال بار سوغۇققانلىق، مۇلايىملىق ھەم مىھرىم بىلەن مۇئامىلە قىلىشنى ئويلايتتىم.

قايسى كۈنى ئەمدىلا 4 ياشقا كىرگەن  چوڭ ئوغلۇمنىڭ ئارقامدا تۇرۇپ تۇيۇقسىزلا ئېيتقان «ئاپا، ماڭا ياخشىراق مۇئامىلە قىلساڭچۇ…» دېگەن گېپىدىن تۇرۇپلا قالدىم. ئۇكاڭنىڭ قولىنى كۆيدۈرۈپ قويدۇڭ دەپ ئەيىپلەپ، خاپا بولۇپ كەتكەنلىرىمنى، داۋاملىق بۇيرۇق ۋە ئەيىپلەش بىلەنلا مۇئامىلە قىلىپ كىلىۋاتقىنىمنى ئويلاپ قالدىم… كىچىككىنە 4 ياشلىق ئوغلۇمنىڭ ھەقىسز ئەيىپلىنىپ قالسىمۇ چىداپ كىلىۋاتقانلىقىنى ھىس قىلدىم… «بالام، كەچۈرگىن!» دەپ داۋاملىق سەۋىر قىلىپ كىلىۋاتقان ئوغلۇمنى باغرىمغا باستىم… كۆز ياشلىرىمنى ھىچبىر توختىتالمايتتىم.

***********

بۇ كارتىنىلارنى سىزمۇ باشتىن كەچۈرۈپ باققاندەك تۇرامسىز؟

بىر ئايالنىڭ ھايات مۇساپىسىدىكى ئازاب ۋە ئاغرىقنىڭ يۇقىرى پەللىسى – تۇغۇت ئازابى بولغىنىدەك، ھاياتىنى ئالقىنىغا ئەپ قويۇپ تۆلىگەن بەدىلى ئۈچۈن ئېرىشىدىغىنمۇ ھىچنىمىگە تەڭداشسىز ئانىلىق مۇھەببەت، قەلىبتىكى چۇڭقۇرلۇق، قۇربانلىق بىرىشتىكى ھوزرۇر. يەنە ھەم ھەر كۈنى ھەر ۋاقىت يۈرەك پارىسىدىن ئېرىشىدىغان يۈرەكنى تىتىرىتىدىغان ھاياجانلىق مىنۇتلار، قەلىبنى ئىللىتىدىغان، سەگىتىدىغان، ئويلاندۇرىدىغان، ئىزدەندۈرىدىغان تۇيغۇلار بولسا كېرەك.

ئانىنىڭ مۇھەببىتى مەڭگۈ ئاخىرلاشمايدىغان ئىللىق باھارغا ئوخشايدۇ.

بالىنىڭ قەلبىگە سالغان مۇھەببەت ئۇرۇقلىرى پۈتكۈل ھاياتىنى كەتمەس باھار كەبى ئىللىتىپ ئەۋلادتىن ـ ئەۋلادقا كۆچىدۇ.

ھالبۇكى، بىرئانىنىڭ بالىغا قالدۇرىدىغان ئەڭ قىممەتلىك مىراسى مېھىر ـ مۇھەببەت ھەم  ئەۋلادتىن – ئەۋلادقا داۋاملىشىدىغان روھ بوپقالىدۇ.

 

*****************************

「 大好き! が伝わるほめ方&叱り方 」

ئوقۇرمەنلەر ئىنكاسلىرى

ـ ناملىق كىتابتىن تەرجىمە قىلىندى

تەرجىمىدە رەيھان ئابلەت

 

تارقىتىڭ...
  1. مەنمۇ باللىرىمغا بەك تېزلا تەنبىھ بېرىپ كېتىمەن ،ئاخىرىدا پۇشمان قىلىمەن ،ھەجەپ تۈزىتىپ بولالـمىدىم بۇ مىجەزىمنى !

  2. دادىلارمۇ مىھرى مۇھەببىتىڭلارنى ئايىماڭلار

  3. بەك ياخشى يىزلىپتۇ.

  4. manmu bazida balilirimni ayiplap ketiman.kakxap bolup puxayman kiliman,qokum bu yahxi bolmigan pishikamni kontrol kiliman

  5. بۇنداق ئەھۋللارمۇ مىنىڭ تۇرمۇشۇمدا كۆپ ئۇچىرايدۇ ،بەزىدە قىزىمغا قاتتىق تەككىنىپ سالغىنىمدىن كۆڭلۈم شۇنچلىك يېرىم بۇلۇپ كىتىدۇ ،ئۈزۈمنى ئەيىپلەيمەن …

ئىنكاس يازىمەن

ئەسكەرتىش: ئىنكاسىڭىزنى باشقۇرغۇچى تەستىقلىغاندىن كېيىن ئىكراندا كۆرۈنىدۇ.

ياپون

باش بەتكە قايتىمەن

© 2019 توكيو خاتىرىلىرى